Дигиталното Porsche Nebula 928 стана реалност

Porsche во последниве години посвети многу внимание на светот на уметноста, а Nebula 928 е најновиот резултат на неговите креативни потфати. Уметниците Даниел Аршам и Кизил Салим соработуваа на овој проект на уникатен гран турер лакиран во розова нијанса. Иако Салим е попознат по своите дигитални концепти и дизајни, ова Porsche прикажано на фотографиите навистина постои. Беше изложено на изложбата на Porsche на конвенцијата South by Southwest 2023 година, а идејата зад автомобилот беше едноставна - 928 од 70-тите како уметничко дело од раните 2000-ти.

Салим истакна дека помогнал во редизајнирањето на неколку надворешни компоненти, вклучувајќи ги браниците, задниот спојлер и дизајнот на осветлувањето. Тој рече дека користел органски meatball форми како инспирација за светлата и предните доводи за воздух, а исто така „позајмил“ некои детали од постарите модели на Porsche како што е задниот спојлер на 911 (996).

Ако бандажите изгледаат познато, тоа е затоа што се „позајмени“ од концептот Panamericana за прв пат виден во 1989 година. Porsche го користеше овој дизајн за да ги најави дизајнерските елементи подоцна видени на генерацијата 993 911.

Темата Metaball продолжува во внатрешноста, односно на воланот, рачката на менувачот, рамките на звучниците на вратите и слично. Внатрешноста е симфонија на виолетова боја, а нијансата ја краси речиси секоја површина и одлично оди со надворешната боја инспирирана од нијансите на Porsche Cassis Red Metallic и Frozen Berry Metallic.

Ова секако потсетува на почетокот на 2000-тите, кога дизајнот ги помести границите на бојата и формата.