Се продава единственото Ferrari Enzo во фабричка мат црна боја

Од фабриката на Ferrari во Маранело излегол само еден примерок од моделот Ferrari Enzo во мат црна боја.

Според аукциската куќа RM Sotheby's, која ќе го продаде автомобилот прикажан на фотографиите, член на кралското семејство од Брунеи го искористил своето богатство и влијание за да го добие Enzo во Nero Opaco нијанса, односно мат црно. Ова е првиот хиперавтомобил на Ferrari во историјата обоен во мат боја.

Enzo беше испорачан на купувач во Лондон и повремено можеше да се види во Хемпстед, Мејфер и Најтсбриџ пред да биде пренесен во Азија. Неодамна беше вратен во Carrozzeria Zanasi, официјалната продавница за бои за автомобили Ferrari. Сопственикот потрошил 110.000 евра за ново лакирање, козметички поправки и замена на копчињата и стаклото над моторот.

Enzo е придвижуван од атмосферски 6.0-литарски V12 мотор кој развива 651 КС поврзан со Формула 1 автоматски рачен менувач.

Иако е уникатен и има поминато само 5.730 километри, автомобилот ќе се продава без резервирана цена на аукција што ќе се одржи помеѓу 5 и 7 декември.