20 јануари 1993, почина актерката Одри Хепберн

На денешен ден, 20 јануари, во 1993 година, почина Одри Хепберн, холивудска актерка со белгиско потекло, добитничка на наградата Оскар, изведувачка на Бродвеј, балерина, хуманитарка и модна икона.

Израсната во Арнхем, Холандија за време на нацистичката окупација врз оваа земја во текот на Втора светска војна, Хепберн напорно тренирала балет пред сосема да се посвети на актерството. Филмското деби го имала како принцезата Ен во „Holiday in Rome“ од 1953 година, улога за која го добила својот единствен Оскар. Таа била една од најпознатите глумици во Холивуд во текот на 50-тите и 60-тите, период во кој уште четирипати била номинирана за Оскар. Меѓу номинациите, особено се истакнува нејзината антологиска изведба на Холи Голајтли во филмот „Breakfast at Tiffany’s“ во 1961 година. Во 1964 година, Хепберн ја играла Елајза Дулитл во филмот „My Fair Lady“.

Од 1988 до нејзината смрт во 1993 година, Одри Хепберн била Амбасадор на добрата волја при УНИЦЕФ и била наградена со Претседателскиот медал на слободата (највисокото признание што може да го добие еден граѓанин на САД) во чест на нејзината хуманитарна работа. Во 1999 година, таа била прогласена за третата најголема актерка на сите времиња, според Американскиот филмски институт.