Од продукцијата зад долгоочекуваното возобновување на Tomb Raider, објавија дека актерката што ќе ја наследи Анџелина Џоли во портретирање на Лара Крофт, е Алиша Викандер.
Викандер ќе биде новата филмска Лара Крофт, по Анџелина Џоли која ја толкуваше оваа улога во „Lara Croft: Tomb Raider“ (2001) и „Lara Croft Tomb Raider: The Cradle of Life“ (2003) - филмови кои своевремено ја поставија Џоли на мапата на интернационални филмски ѕвезди.
Возобновувањето на франшизата ќе започне со првиот филм, што ќе го режира Роар Утауг (The Wave) и истиот ќе биде базиран на неодамна возобновените Tomb Raider видео игри.
Филмот ќе ја прикаже младата Крофт, во борба да ја преживее својата прва авантура, што во иднина ќе ја направи оној способен археолог и истражувач што сите го знаеме.
Викандер доби Оскар за нејзината улога во минатогодишниот The Danish Girl, а покрај овој таа глумеше и во Ex Machina, Burnt и The Man From U.N.C.L.E.