Десет лица загинаа во пад на приватен авион во Русија, а на списокот на патници се најде и шефот на Вагнер, Евгениј Пригожин, јавува BBC.
Со Пригожин загинаа уште девет лица, јавува BBC.
Деловниот авион „Ембраер“ се урна во регионот Твер, при што загинаа сите патници, соопштија за ТАСС од Министерството за вонредни ситуации.
„Авионот ‘Ембраер’ беше на пат од аеродромот Шереметјево кон Санкт Петербург. Во него имало тројца пилоти и седум патници. Сите загинаа“, рекол изворот.
Од службата за итни случаи за ТАСС изјавија дека се пронајдени четири тела.
Авионот наводно се запалил откако удрил во земјата и изгорел. Бил во воздух помалку од 30 минути.
Федералната агенција за воздушен транспорт на Русија започна истрага за падот на авионот, се вели во соопштението на агенцијата, додавајќи дека името на Евгениј Пригожин се наоѓа на списокот на патници.
„Покрената е истрага за падот на авионот Ембраер вечерва во регионот Твер. Според списокот на патници, на овој список е името и презимето на Евгениј Пригожин“, посочуваат од агенцијата.
Претходно денеска, телеграмскиот канал Grey Zone, тесно поврзан со Вагнер, објави дека авион соборил систем за воздушна одбрана северно од Москва.
