Претседателот на Бразил, Жаир Болсонаро е позитивен на коронавирус и на третото тестирање, пренесе Reuters.
Болсонаро на 7 јули потврди дека е заразен со новиот коронавирус, а по двонеделен карантин повторно беше тестиран. Во меѓувреме беше тестиран и на 15 јули и беше позитивен. Сега и третиот тест е позитивен.
Претседателот се чувствува добро и ќе продолжи да работи преку видеолинк. Неговата посета на северот на Бразил е откажана.
Заразени се четворица негови соработници од кабинетот.
Болсонаро во повеќе наврати ја негираше сериозната состојба со COVID-19, нарекувајќи ја болеста „обичен грип“. Често беше гледан во гужва меѓу луѓе, без маски.
Тој тврди дека болеста ја лечи со лек за маларија. Во Бразил досега се потврдени над 2 милиони заразени, додека од COVID-19 починаа 81.000 луѓе.
