Бразилскиот претседател Жаир Болсонаро денеска изјави дека повторно бил тестиран за коронавирус и дека тестот покажал негативен резултат.
Последниов тест на Болсонаро му е четврти овој месец, од 7 јули, кога соопшти дека е инфициран.
Бразилскиот претседател веста ја објави на Facebook и Twitter, без да наведе кога е извршен тестот. Последниот тест му беше во средата, кога резултатот по третпат му беше позитивен.
Болсонаро, исто така, објави фотографија со кутија хидроксихлорокин, лек против маларија што не се покажа дека многу помага во лекувањето на COVID-19.
