Цените на нафтата се задржаа стабилно на меѓународните пазари блиску до нивото од 79 долари, бидејќи трговците ги одмеруваа можните прекини во снабдувањето од Блискиот Исток и нестабилната економија што влијае на глобалната побарувачка на нафта.
На лондонскиот пазар цената на барелот по пладне беше за 27 центи повисока отколку на затворањето на тргувањето на крајот на минатата недела и изнесуваше 78,83 долари.
На американскиот пазар барелот со датуми на испорака во февруари се тргува по 35 центи повисока цена, по 73,76 долари. Поактивно се тргуваше со барели за испорака во март, по цена повисока за 31 цент и 73,56 долари.
„Утринава пригушеното отворање зборува многу за моменталното расположение на пазарот на сирова нафта, и покрај тековните геополитички конфликти во Европа и на Блискиот Исток“, рече Тони Сајкамор од IG.
Нема знаци на одмор во офанзивата на Израел во палестинскиот Појас Газа и нападите на јеменското движење Ансар Алах врз бродовите поврзани со Израел во Црвеното Море, и покрај воената реакција на САД.
Ансар Алах бара прекин на израелските воени операции и испорака на хуманитарна помош за Палестинците, а САД и Британија одговараат дека со напад на цели во Јемен сакаат да ја заштитат пловидбата на рутата преку која минува до 15 отсто од светската трговија.
Во такви услови, трговците стравуваат од ширење на конфликт, што би го ставило во прашање снабдувањето од Блискиот Исток.
