Поранешниот американски претседател Доналд Трамп во петокот поднесе личен финансиски извештај до Федералната изборна комисија, давајќи ѝ на јавноста прв поглед на неговите финансии откако ја напушти Белата куќа.
Извештајот мораше да биде доставен до изборната комисија имајќи предвид дека кандидатот е на претседателски избори во 2024 година, но не дава точна финансиска слика бидејќи кандидатите не се обврзани да ги пријават сите свои обврски во широк опсег.
Документот од 100 страници дава увид во новите финансии на Трамп откако ја напушти функцијата, вклучувајќи го неговиот бизнис потфат на социјалните мрежи и минатогодишната продажба на дигитални картички за тргување познати како NFT.
Поднесокот, исто така, вклучува список на бројни имоти на Трамп, како што се имотите во неговото одморалиште Мар-а-Лаго на Флорида.
Пријавил повеќе од пет милиони долари приход од говорни ангажмани, односно разни предавања. Заработил меѓу 100.000 и 1 милион долари приход од NFT, а од социјалната мрежа што ја започна откако беше исфрлен од Твитер и Фејсбук, Трамп заработи меѓу 5 и 25 милиони долари.
Од 16-те книги што ги наведе Трамп, „Уметноста на договорот“ - неговите мемоари од 1987 година засновани на деловни совети - беа со најголема заработка, наводно генеририрајќи од 100.000 до 1 милион долари во авторски права. Повеќето книги добија авторски права помали од 201 долар.