Поранешниот шеф на Формила 1, Берни Еклстоун, застана во одбрана на Владимир Путин, а го нападна Володимир Зеленски.
Поранешниот шеф на на најпопуларниот тркачки циркус изрази поддршка за Владимир Путин, нарекувајќи го рускиот лидер „личност од прва класа“, додека го критикуваше украинскиот лидер Володимир Зеленски дека не направил повеќе за да го спречи конфликтот во неговата земја.
Еклстоун, кој раководеше со Формула 1 40 години пред да ја напушти функцијата главен извршен директор во 2017, зборуваше за неговото континуирано восхитување на Путин во гостувањето во емисијата „Good Morning Britain’ show“ на ITV утринава.
На прашањето од водителите дали тој сè уште стои на страната на рускиот лидер - човек што често го опишува како пријател - Еклстоун одговори: „Сѐ уште би примил куршум за него“.
„Подобро да не ме боли, но и да боли, сепак би примил куршум. Затоа што тој е човек од прва класа. И она што тој го прави е нешто за кое веруваше дека е вистинската работа за Русија“.
Еклстоун сепак сугерираше дека конфликтот во Украина е „грешка“ и дека „мора да се направиш најдобро што може за да излезе од него“.
91-годишниот британски бизнисмен продолжи обвинувајќи го украинскиот претседател Зеленски што не сторил повеќе за да го спречи конфликтот, сугерирајќи дека повеќе му личи неговата поранешна улога на актер и комичар.
„Другата личност во Украина, неговата професија, јас разбирам, порано беше комичар и мислам дека сака да ја продолжи таа професија, затоа што мислам дека ако размислуваше за работите дефинитивно ќе вложеше доволно голем напор да зборува со г-дин Путин, кој е разумен човек и би го слушал и веројатно би можел да направи нешто во врска со тоа“, рече Еклстоун.
Неподготвени да ги прифатат ставовите на Еклстоун, водителите на ITV го притиснаа поранешниот шеф на Ф1 прашувајќи го за „смртта на илјадници невини Украинци и руски војници“.
„Сигурно не можете да го оправдате тоа?“, праша водителот Бен Шепард.
„Тоа не беше намерно. Погледнете ги сите времиња кога Америка отиде во различни земји кои немаат никаква врска со Америка“, одговори Еклстоун.
„Всушност, во Америка тоа е нивна работа, сакаат војни затоа што продаваат многу вооружување“.
Презентерката Кејт Гаравеј потоа го праша Еклстоун дали е категоричен дека Зеленски требало да стори повеќе за да го избегне конфликтот, на што тој одговори: „Апсолутно“.
„Сосема сум сигурен дека Украина, доколку сакаше правилно да излезе од неа, можеше да го стори тоа“, пркосно рече поранешниот шеф на Ф1, а истовремено сугерираше дека и Путин сака излез од војната.
