Членките на ЕУ за време на разговорите меѓу официјалните лица треба да се договорат за нов пакет санкции против Русија, вклучително и ограничувања на увозот на руска нафта, изјави денеска шефот на европската дипломатија Жозеп Борел.
„Треба да одлучиме едногласно. Имаше тешки преговори вчера попладне, како и утрово. Мислам дека ќе можеме да им понудиме договор на лидерите на земјите-членки попладнево“, изјави високиот претставник на Унијата за надворешни работи и безбедност за France Info.
Владите на ЕУ во неделата не успеаја да постигнат договор за ембаргото на руската нафта, што се обидуваат да го постигнат до почетокот на самитот на ЕУ во понеделник попладне.
Запрашан дали планот за забрана на увоз на руска нафта може да пропадне поради противењето на Унгарија и другите источноевропски земји, Борел рече: „Не, мислам дека не... на крајот ќе има договор“.
Предлогот, за кој земјите-членки разговараа во неделата вечер, ќе забрани увоз на руска нафта во ЕУ по морски пат до крајот на годината, што нема да важи за нафтата што Унгарија ја испорачува на Унгарија, Словачка и Чешка.
„Ги зедовме предвид индивидуалните околности на сите (членки на Унијата)“, рече Борел, додавајќи дека решението на ниво на ЕУ ќе им даде на трите земји, кои сочинуваат седум до осум отсто од руската нафта, „повеќе време да прилагодат“.
