Дру Бински од Аризона е американски авантурист кој ја посетил секоја земја во светот и открил дека една, според него, „има сѐ“.
Од фавелите во Бразил до Грција, преку далечните азиски земји, Дру ги посетил сите. Во интервју за Unilad откри дека дефинитивно ја има својата омилена земја, која ја опиша како „сѐ што можете да посакате“.
Станува збор за Филипините, а Бински вели: „Мислам дека тоа е најубавата земја на светот, супер безбедна и полна со добри луѓе. Таа е како сè што можете да посакате во една земја“.
И покрај тоа, вели дека поради културата планира во иднина со сопругата да живее во Дубаи.
Сепак, не секое место што тој го посетил било толку гостољубиво за Дру, а за да се влезе во некои било вистински предизвик. Неговото најтешко искуство со влегувањето во земја се случило кога отпатувал во Венецуела. Забележал дека оваа земја претставува посебен случај за Американците.
„На крајот добив виза од венецуелската амбасада, што беше тешко поради санкциите и политичките тензии меѓу САД и Венецуела, но успеав да добијам виза во последен момент“, рече тој.
Додаде што друго му оставило посебен впечаток за време на неговите многубројни патувања: „Многу ми се допаѓа да ги посетувам домородните племиња, бидејќи тоа покажува дека другата страна на светот не е толку преокупирана со технологија и електроника“.
„Понизно е да запознавам луѓе и да гледам како живеат на далечни места; Планирам да продолжам да ги посетувам домородните племиња главно во Африка, но исто така и во Јужна Америка и Индија“, рече тој.