Актерската екипа, предводена од модната икона Зендаја, е заслужна што финалето на втората сезона на Euphoria го следеа рекордни 6.6 милиони обожаватели, па HBO ќе почне со продукцијата на третата сезона.
Токму втората сезона е втората најгледана серија на HBO од 2004 година. Подобра од неа е сеијата „Game of Thrones“.
Последната епизода од втората сезона изминатиот викенд ја следеа 6.6 милиони обожаватели, а секоја од осумте епизоди во просек имаше по 16.2 милиони гледачи. Тоа е најдобриот резултат за која било HBO серија во последните 18 години, освен Game of Thrones, пишува Yahoo.
Актерката екипа, предводена од Зендаја, во улога на 17-годишна зависничка, стана глобален феномен откако што седум недели по ред постигна рекордна гледаност, а еднаков успех постигна и во Латинска Америка и Европа.