Животот вo шоубизнисот можеби делува примамливо и забавно, но за некои ѕвезди тоа е далеку од вистината и реалноста.
Трејлерот за полуавтобиографскиот филм „Honey Boy“ работен по сценарио на Шаја Лебаф беше објавен вчера и покажува дека филмот ќе даде интимен увид во тоа како му било на младиот актер кој израснал во шоубизнис круговите, со сите подеми и падови помеѓу.
Наградуваната режисерка Алма Хар’ел му вдахна живот на сценариото на Лебаф за животот на еден актер кој од дете морал да се соочи со бруталната и сурова реалност на шоубизнисот, приказна што во голема мера е инспирирана од личното искуство на актерот.
Лебаф вели дека филмот за него бил одлична прилика да се справи и помири со сопствените чувства кон татко му, но и да се соочи со своите проблеми со менталното здравје.
Тој на еден терапевтски начин се зафаќа да ја игра улогата на таткото во филмот кој е верзија на татко му – родео кловн и измамник. Неговата помлада верзија ја игра фантастичниот Ноа Жупе.
Филмот ќе почне да се прикажува во киносалите на 8 ноември.