Илон Маск и Ендрју Тејт му дадоа поддршка на Расел Бренд откако тој беше обвинет за силување.
Расел Бренд беше обвинет дека силувал четири жени, од кои едната тогаш имала само 16 години.
Илон Маск и Ендрју Тејт ја искористија можноста јавно да го поддржат. Да потсетиме, самиот Тејт беше обвинет за силување.
„Се разбира. Не сакаат конкуренција“, напиша Маск како одговор на видеото на Бренд во кое се сугерира дека тој е цел на „координиран и агресивен медиумски напад“ поради неговите десничарски критики кон медиумите изнесени во неговиот подкаст Stay Free.
„Добредојдовте во клубот“, рече Тејт, покрај сликата на витез од цртан филм со натпис: „На пат сум да се борам против обвиненијата на луди кучки“. „Матрикс напад“, напиша тој во друга објава.
Инаку, минатата година Маск беше обвинет за злоставување на стјуардеса во 2016 година, а неговата компанија наводно ѝ платила на жената 250.000 долари. Тејт беше формално обвинет во јуни дека принудил најмалку седум жртви на порнографија откако ги измамил да помислат дека има романтична врска со нив.
