Интер на спектакуларен начин го прослави 20-тото Скудето

Интер по синоќешната победа над Торино на домашен терен (2:0) го доби пехарот ја освојувањето на Серија А сезона 2023/2024, по што почна големо славје низ улиците на Милано, каде централниот настан беше на Пјаца дел Дуомо. Илјадници црно-сини навивачи се погрижија за неверојатна атмосфера, а играчите со два автобуса дојдоа низ морето навивачи да го прослават освојувањето на јубилејното 20-то Скудето, со што Интер се здоби со право да си стави втора ѕвездичка над клупското лого. Во Италија за секои 10 титули се добива златна ѕвездичка.