Американски кардиолози спроведоа истражување и заклучија дека консумирањето до 12 јајца неделно не му штети на здравјето, пренесува Medical News Today.
Ова е количина која не би требало да предизвика значително зголемување на нивото на холестерол, што е сериозен фактор на ризик за развој на кардиоваскуларни болести. Имено, акумулацијата на холестерол во артериите на крајот може да доведе до затнување и да го спречи истекувањето на крвта, што понекогаш предизвикува срцеви и мозочни удари.
Инаку, јајцата се одличен извор на посни протеини, фосфор, селен и витамини А, Б2, Б5 и Б12. Се препорачуваат за појадок и за оние кои сакаат да ослабат.
Дестин Менсон, помошничка на главниот уредник на списанието Health, неодамна спроведе експеримент во кој појадуваше по две јајца секој ден во текот на еден месец.
После еден месец, Менсон заклучил дека протеинскиот појадок ѝ помогнал да се чувствува посита подолго време, била пофокусирана и внимателна и помалку уморна. Забележала и дека почнала да пие повеќе вода за време на оброците.
Главната придобивка од јајцата лежи во фактот дека тоа е храна која содржи лесно сварливи протеини кои помагаат во зголемување на мускулната маса, зајакнување на коските, одржување на функцијата на мозокот, зачувување на ткивото, намалување на крвниот притисок и борба против вишокот килограми.
Експертите советуваат да се консултирате со вашиот лекар за да бидете сигурни дека консумирањето јајца е безбедно за вас лично.
