Тим американски научници открија компонента во маслинките за која веруваат дека може да помогне во борбата против дебелината и дијабетесот.
Научниците од Универзитетот Вирџинија Техника спроведоа експерименти на глувци кои покажаа дека еленолната киселина од маслинките го намалува шеќерот во крвта и се чини дека помага при губење тежина.
Бидејќи во маслинките нема доволно од оваа киселина која природно би помогнала во борбата против гореспоменатите заболувања, научниците веруваат дека нивното истражување би можело „да го отвори патот за развој на безбедни и евтини природни производи за контрола на дебелината и дијабетес тип 2 кај луѓето.“
„Промените во животниот стил и мерките за јавно здравје имаат ограничено влијание врз зголемената преваленца на дебелината, еден од главните фактори на ризик за дијабетес тип 2“, рече водечкиот истражувач Донгмин Љу, професор на Катедрата за човечка исхрана, храна и вежбање на Универзитетот од Вирџинија.
Тој истакнува дека достапните лекови против дебелина се неефикасни во одржувањето на слабеењето, се скапи и претставуваат долгорочен ризик за здравјето. Тој и неговиот тим, додава тој, работат на развој на „побезбеден, поевтин и повеќенаменски лек кој би спречил појава на метаболички нарушувања и дијабетес тип 2“.
Презентирајќи ги резултатите од истражувањето на професионална конференција во Чикаго, Љу и неговите колеги изјавија дека кај глувците на кои им била дадена еленолна киселина четири до пет недели, имало намалување на дебелината за 10,7 проценти, додека нивото на шеќер во крвта и чувствителноста на инсулин паднале на „споредливи на оние на здрави, слаби глувци“.
Маслинките и маслиновото масло се особено присутни во медитеранската исхрана. Маслиновото масло, кое се смета за поздрава алтернатива на растителните и масла од семки, го спречува когнитивното опаѓање, според неодамна објавеното истражување спроведено во текот на 28 години на 90.000 луѓе.
