Актерката и модел Тања Робертс, позната како Playboy модел, Бонд девојка од филмот „View to Kill“ и улогата на мајката на Дона во серијата „That 70’s Show“, почина ненадејно на 66-годишна возраст.
„По прошетката со кучињата, Тања едноставно падна во бесознание во нејзиниот дом во Калифорнија на Бадник“, изјави нејзиниот портпарол Мајк Пингел за The Hollywood Reporter.
Робертс била веднаш хоспитализирана, но подоцна починала во болница.
„Скршен сум. Беше брилијантна и убава и се чувствувам како да е угасната една светлина. Беше најмилата личност и имаше огромно срце“, изјави Пингел.
Причината за смртта сè уште не е позната.
Освен што играше во филм од франшизата за Џејмс Бонд, кој тогаш го играше Роџер Мур, Тања ѝ е позната на јавноста и по улогата на мајката на Дона во серијата „That 70’s Show“ (Луди 70-ти).
Таа позираше за Playboy и се појави во бројни реклами.
Тања немаше деца и ги остави зад себе сопругот Ленс О'Браен и сестрата Барбара Чејс.
