Во склоп на Comic Con во Сан Диего, беа објавени првите трејлери за најновите серии на Netflix за Марвеловите стрип херои „Luke Cage“ и „Iron Fist“.
Лук Кејџ го запознавме годинава во „Jessica Jones“ портретиран од Мајк Колтер, што поттикна соло серија за овој херој, чија премиера ќе се случи на 30 септември. Погледнете го трејлерот за таканаречениот Power Man:
На изненадување на многумина, беше објавен и прв тизер трејлер за уште еден суперхерој на Marvel, Дени Ренд или Iron Fist. Како што гледаме во краткиот клип, малиот Дени ги губи родителите во авионска несреќа, а потоа завршува да живее со мистични монаси на Хималаите. Подоцна завршува во Hell's Kitchen, домот на Дердевил, Џесика Џонс и Лук Кејџ. Погледнете го видеото:
Netlix и Marvel планираат подоцна да ги спојат овие четири ликови (Дердевил, Џесика Џонс, Ајрон Фист и Лук Кејџ) во минисерија насловена „The Defenders“, што ќе имаме можност да ја погледнеме во 2017 година.
