Китовите убијци сериозно оштетија едрилица во близина на јужниот шпански брег, соопшти локалната спасувачка служба, во последниот од десетиците напади на орки врз пловни објекти долж шпанскиот и португалскиот брег оваа година.
Денес во раните утрински часови група орки го пробиле трупот на брод кој пловел кон Гибралтар. Четиричлениот екипаж ги повикал шпанските власти на помош, изјави портпаролот на спасувачката служба.
На помош на екипажот на 20-метарскиот брод Mustique, кој пловел под британско знаме, притрчале спасувачи со брод и хеликоптер. После тоа, тој бил закотвен во пристаништето Барбате во провинцијата Кадис за поправка.
Според истражувачката група ГТОА, која ги следи популациите на ибериските орки, инцидентот следи по најмалку 20 интеракции само во Гибралтарскиот Теснец помеѓу малите бродови и овие морски предатори. Во 2022 година, пријавени се 207 интеракции, покажуваат податоците на ГТОА.
