Студиото Marvel Entertainment објави трејлер за претстојниот филм The Marvels, кој е продолжение на филмот од 2019 година, Captain Marvel.
Трејлерот беше прегледан повеќе од 10 милиони пати за 24 часа.
Ѕвездената екипа е предводена од Бри Ларсон, во улогата на Керол Денверс, позната како Капетан Марвел. Нејзе ѝ се придружува Тејона Парис во улогата на Моника Рамбо и Иман Велани како Камала Кан, односно Г-ѓа Марвел.
Во овој филм, Данверс, Рамбо и Кан ќе се обидат да откријат зошто нивните моќи се испреплетени по истражувањето на една црвоточина оставена од вонземјанската раса Кри. Во филмот ќе се појави и Семјуел Ел Џексон во веќе познатата магента улога на Ник Фјури, а главниот негативец Дар-Бен ќе го игра Заве Ештон.
Мислењата на фановите на Twitter се поделени.
„Верувам дека ова ќе биде еден од најлошите филмови во кинематографскиот универзум на Marvel и ќе докаже дека на луѓето им е преку глава од филмовите за суперхерои“, „Кинематскиот универзум на Marvel требаше да заврши со крајот на играта“, „Уште еден просечен филм“, се некои од понегативните коментари.
Друг дел од фановите имаат попозитивно мислење:
„Ова ќе биде одлично. Едвај чекам да ја видам Иман во тим со Бри“, „Со нетрпение го очекувам ова. Верувам дека ќе биде интригантно“, „Ова всушност изгледа добро“, се некои од коментарите.
Филмот го режираше Ниа Дакоста, позната по хорор-филмот Candyman од 2021 година. Дакоста исто така работеше на сценариото, заедно со Меган Мекдонел, Елиса Карасик и Зеб Велс.
Филмот ќе биде достапен во кината од 10 ноември оваа година.