Оружени лица вчера извршија терористички напади на шест локации во центарот на Виена, убивајќи три лица, пренесе BBC.
Полицијата соопшти дека еден од напаѓачите е убиен. Нападот се случи неколку часа пред австриските власти да ги објават новите рестрикции со кои се обидуваат да ја запрат епидемијата на коронавирусот. Улиците, рестораните и баровите во Виена биле преполни со луѓе, пред да бидат затворени до крајот на ноември, според новите мерки.
На Twitter е објавено видео во кое се гледа апсењето на четворица терористи, но полицијата соопшти дека останатите се во бегство. Уапсени се четворица мажи.
Австрискиот министер за внатрешни работи Карл Немер ги окарактеризира нападите како терористички. Според него, нападите започнале пред 20 часот, на шест места, меѓу кои и кај синагога. Во нив учествувале до десет тешко вооружени напаѓачи.
