Смртта на Џорџ Флојд овие денови е главна вест во светот. Судирите меѓу демонстрантите и полицијата не престануваат и покрај тоа што беше воведен полицискиот час за да се спречат насилните протести.
46-годишниот Флојд почина минатиот понеделник. На снимката којашто беше објавена на социјалните мрежи, снимена од случаен минувач, се гледа како Флојд лежи на земја со лисици на рацете, моли за помош и повторува дека не може да дише. Во таква положба, со приклештен врат, полицаецот со едното колено го држи Флојд повеќе од седум минути, иако тој го моли за помош.
Инцидентот започнал кога вработен во продавница повикал полиција бидејќи Флојд, наводно, сакал да плати цигари со лажна банкнота од 20 долари.
Но, пред Флојд да заврши на под, полицајците го тепале. Ова го покажуваат снимките од безбедносните камери на кои се гледа како неколку полицајци се обидуваат да го смират Флојд со ќотек.
Еден полицаец чува стража, а останатите го тепаат.
Полицаецот кој го уби Флојд, Дерек Шовен е уапсен, но Американците сакаат неговото обвинение да биде за убиство со предумисла и да бидат уапсени тројцата други полицајци кои учествува при апсењето.