Цената на електричната енергија за домаќинствата од 1 јули ќе се намали за 0,25 отсто, одлучи Регулаторната комисија за енергетика (РКЕ).
Според претседателот на РКЕ, Димитар Петров, причина за поевтинувањето се помалите трошоци што ги пријавиле енергетските компании.
Кај ЕЛЕМ Производство цените се намалуваат за 0,01 процент, кај МЕПСО за 7,99 отсто, а кај ЕВН Дистрибуција за 9,71 процент.
Опозициската СДСМ ја обвини РКЕ дека во спрега со власта ги штити енергетските компании. Според социјалдемократите, има реална основа за намалување на цените на струјата до 30 %.
На ваквото намалување на цената на струјата реагираа и од ФРОДЕМ, кои сметат дека одлуката на РКЕ е омаловажувачка.
