Продуцентите на франшизата за тајниот агент Џејмс Бонд се во потрага по ѕвездите на претстојното продолжение, а Daily Mail пишува дека за новата Бонд девојка сакаат една од двете најпопуларни млади актерки - Сидни Свини и Зендаја.
Неодамна беше објавено дека се размислува за Арон Тејлор Џонсон за улогата на новиот агент 007, а многумина дебатираа за овој избор, па дури и поранешниот Бонд, Пирс Броснан, даде свое мислење. Новите извештаи тврдат дека ѕвездите од „Euphoria“, Зендаја и Сидни Свини, се земаа предвид за улогата на новата Бонд девојка и дека новиот дел всушност ќе биде римејк на еден од претходните делови.
Продуцентката Барбара Броколи наводно е заинтересирана да ангажира некои од водечките млади актерки во Холивуд, пишува Daily Mail.
„Барбара сака да се врати фантазијата за Бонд, каде што има акција, но лошите момци се поголеми од животот“, изјави извор за британскиот медиум.
Тие исто така објавија дека нејзиниот избор број еден за режисер е Денис Вилнев, кој неодамна работеше со Зендаја на „Dune II“: „Тоа е нејзиното сценарио од соништата, но бидејќи е многу зафатен, можеби ќе биде тешко да го донесе. Ако не го направи следното, постојано ќе се бара од него да ги режира идните продолженија“.
Изворот продолжи велејќи дека франшизата со нетрпение очекува да има помлад Бонд, што би резултирало со различни млади ѕвезди да бидат ставени како негови љубовни интереси на екранот.
„Се зборуваше за Сидни Свини, но тоа се одредува само преку распоред, ако кастингот е исправен и режисерот мисли дека ќе биде правилно“, рече изворот, „Ако го добијат Денис Вилнев, кој работеше со Зендаја, тогаш таа може да биди во комбинација“.
Свини и Зендаја имаа голем успех во нивните кариери, особено во изминатата година. Свини глумеше во филмот „Anyone But You“ - романтична комедија која неочекувано стана еден од најголемите хитови на бокс офисот минатата година. Во случајот на Зендаја, таа глумеше во филмот „Dune II“, а наскоро ќе излезе и филмот „Challengers“ во кој таа ја игра главната улога.
