Рускиот претседател Владимир Путин ќе присуствува на самитот на Г20 следната недела свикан од индиското претседателство на групата што ги претставува главните светски економии, објави руската државна телевизија.
Путин ќе одржи директни разговори со западните лидери за првпат по неколку месеци за време на онлајн самитот свикан од индискиот претседател Нарендра Моди за в среда, се вели во извештајот.
Русија на самитот на Г20 во Њу Делхи на почетокот на септември беше претставена од министерот за надворешни работи Сергеј Лавров.
Западните членки на Г20 се обидоа да ја изолираат Русија од инвазијата на Украина минатиот февруари и воведоа санкции за извозот на руски суровини, иако тоа имаше мало влијание врз руската политика.
Индија на крајот на овој месец му го предава на Бразил претседавањето со Г20.
