Мрачната драма „The Sandman“ моментално е најпопуларната серија на Netflix, прва на Топ 10 листата најпопуларни серии на Netflix во светот.
Станува збор за адаптација на истоимениот стрип на Нил Гејман. Дејството ја следи приказната за Владетелот на соништата. Серијата чини 15 милиони долари по епизода, Netflix во првата сезона вложи 165 милиони долари.
Не е познато дали ќе се снима и втора сезона. Од премиерното прикажување кон почетокот на август, „The Sandman“ собра пофалби и од гледачите и од критичарите. Некои од критичарите сметаат дека серијата е вистинско ремек-дело.
Netflix ја опишува „The Sandman“ како 'богата мешавина од модерен мит и мрачна фантазија во која современата фикција, историската драма и легендата незабележително се преплетени'.
„The Sandman ги следи луѓето и местата на кои влијае Морфеус, кралот на соништата, додека ги поправа космичките и човечките грешки кои ги направил во текот на долгото постоење“, додаваат оттаму.
Во главните улоги се појавуваат Том Стариџ, Џена Колман, Гвендолин Кристи, Бојд Холбрук, Кирби Хауел-Баптист, Девид Тевлис и други.