Потрес со јачина од 2,9 степени според Рихтеровата скала вчера бил регистриран недалеку од местото каде Пјонгјанг во септември ја изведе најснажната нуклеарна проба досега.
Тресењето на тлото било забележано во 1 часот и 40 минути по локално време, на длабочина од 5 километри, соопшти Американскиот геолошки институт.
„Вакво нешто е случи и претходно кога Северна Кореја правеше нуклеарни проби. Настанот има карактеристики што наликуваат на земјотрес, но не може да се извлече конкретен заклучок околу тоа дали бил предизвикан од природни или човечки активности“, соопшти американската федерална агенција.
AFP објави дека во исто време, Метеоролошката администрација на Јужна Кореја на својата веб страница соопштила дека „анализите укажуваат дека се работи за природен земјотрес“.
„Се смета дека нема предизвикано некаква штета“, стои во соопштението.
