Откако две години по ред не се одржуваше поради пандемијата со коронавирусот, скопскиот Вино Скоп се реактивира.
„Со огромна доза на среќа Ви соопштуваме дека оваа година додаваме уште едно поглавје во нашата заедничка приказна за виното и музиката. Од 4 до 8 мај, на нашето омилено место - плоштад 'Македонија', ќе се дружиме на Вино Скоп 2022! Ова поглавје заедно ќе го исполниме со многу љубов и насмевки, придружени со огромен избор на домашно и странско вино, вкусна храна и најдобра музика“, соопшти организаторот.
Оваа година организацијата ќе биде во соработка со Wines of Macedonia, организација која ја унифицира работата на локалните винарии, промовирајќи ги македонските вина низ целиот свет, бидејќи како што тие велат, „виното е еден од нашите најзначајни симболи“.
Организаторот допрва ќе ја соопшти и богатата програма со мизичките гости.