Легендарниот Арнолд Шварценегер е подготвен да се врати на работните обврски по операцијата на срце.
Најавено е дека славниот Шварци ќе има улога во нова серија на Netflix со шпионска тематика.
Deadline прв ги објави деталите за новата серија и ја опиша како глобална шпионска авантура фокусирана на двоец татко и ќерка.
Шварценегер ќе ја игра улогата на таткото, а исто така е и извршен продуцент на серијата. Улогата на ќерката ќе ја игра Моника Барбаро, која публиката може да ја види во „Top Gun: Maverick“.
Шварценегер пред десетина дена правеше операција на срцето, а набрзо потоа објави видео на Twitter како вози велосипед во населбата каде има зграда со неговиот лик.
„Само што завршив со првото возење по операцијата на срце и се чувствувам добро“, напиша Шварци.
Иако има 73 години, актерот познат по акциони филмови има завидна кондиција и фигура што ја одржува со редовно вежбање и здрава исхрана, но и возење велосипед.
