Може да кажеме дека сите сме имале момент кога сме пратиле порака со содржина зад која не стоиме 100% и очајнички сме сакале да ја избришеме или магично да ја снема.
Во новата авантуристичка романтична женска комедија на Netflix насловена „Desperados“ ова доживување се крева на едно сосема ново ниво. Ниво кое ве охрабруваме да не се обидувате да го достигнете!
Актерската екипа ја предводи Насим Педрад (New Girl, Saturday Night Live, Aladdin) која заедно со нејзините две најдобри другарки (Ана Кемп и Сара Бернс) заминува во Мексико да ја избрише e-mail пораката што ќе му ја прати на новиот дечко, мислејќи дека ја откачил.
На авантурата го сретнува поранешниот дечко (Ламорн Морис) кој се вклучува во потрагата за да им помогне.
Претпоставувате, помош од бившиот дечко за проблем со новиот не е најдобра идеја.
Со оглед на тоа едка Педрад и Морис веќе имаат играно двојка (New Girl), со сигурност знаеме дека хемијата е тука, а и двајцата се докажано фантастични комичари.
Трејлерот ветува дека ова е многу повеќе од романтична комедија, а дали сме во право ќе видиме на 3 јули кога ќе биде премиерата на Netflix.
