Во изминатите 24 часа во ковид-центрите во Скопје се хоспитализирани 10 нови пациенти поради компликации од коронавирусот. Вкупно 243 лица сомнителни и потврдени за COVID-19 се лекуваат на инфективните оддели во главниот град, соопшти Министерството за здравство.
Во последното деноноќие, на интерните клиники имало четири приеми.
Во ковид-центарот во ГОБ „8 Септември“ имало три нови приеми на пациенти и три на Инфективната клиника во текот на вчерашниот ден.
Во изминатите 24 часа дома се пуштени четворица оздравени пациенти.
Во моментов на Кожната клиника во ковид-центарот се лекуваат 23 пациенти, на Клиниката за неврологија 28 болни, а на Институтот за ТБЦ се примени вкупно девет пациенти со симтоми на коронавирусот.
Во ГОБ „8 Септември“ има вкупно 78 болни, а на Клиниката за инфективни болести лежат 85 пациенти, додека во Иститутот за белодробни заболувања кај деца Козле има 18 пациенти. На ГАК се хоспитализирани две пациентки.
Голем број од пациентите со COVID-19 кои се лекуваат на инфективните оддели во болниците во главниот град се на кислородна поддршка.
Бројот на приеми во изминативе денови е стабилен и утрово до 8 часот имало 90 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка, стои во соопштението.