Еден од основните постулати на здравиот живот е да се занимавате со физичка активност.
![](/sites/default/files/styles/article_image_xxl/public/2024-07/walk-in-park-1.jpg?itok=t7WLhqf_)
Во зависност од вашата возраст, здравствена состојба и кондиција, можете да се одлучите за вежбање во природа или теретана, фитнес, вежбање дома, возење велосипед, пешачење.
Ова се придобивките од пешачењето за нашето тело. Како пешачењето влијае на здравјето на возрасните и децата?
Срцето е еден од најважните органи и за него треба да се грижиме без разлика на возраста. Пешачењето му е одлична вежба, бидејќи ја поттикнува циркулацијата. Покрај тоа, експертите велат дека само 30 минути пешачење го намалува ризикот од многу срцеви заболувања.
Сигурно го знаете она чувство кога умот некако ви е заматен, како да уморен. Кратка прошетка може да ви го разбистри умот и да ви даде шанса да бидете насамо со своите мисли, без други работи што ќе ви го одземаат вниманието.
Ако не сакате да одите во теретана, неколку круга низ маало е одлична идеја. Покрај тоа, можете да ги земете децата со вас и заедно да уживате во активностите.
Иако изгледа неверојатно, одењето има ефект на медитација за човечкиот ум. Кога денот ви е полн со обврски и размислувате за толку многу работи, прошетката ќе ви помогне да се смирите и опуштите. Фокусирајте се на дишењето, набљудувајте ја околината и опуштете се.
Кога ќе ја постигнете зацртаната цел за пешачење (на пример 30 минути или 5 километри) ќе почувствувате задоволство. Освен тоа, рекреацијата позитивни чувства, кои се одличен борец против депресијата и анксиозноста. Само свежиот воздух веднаш поволно делува на расположението.
Многу истражувања покажаа дека редовното пешачење и физичката активност имаат позитивно влијание врз сонот. Тоа ќе ви помогне вам, но и на вашите малечки кога не можат да заспијат.