Актерот Јевгениј Кулеш трагично загина на сцената за време на операта „Садко“ во рускиот театар Бољшој кога сценографијата паднала врз него.
Очевидци велат дека сценографијата паднала врз него затоа што на сцената излегол од погрешна страна за време на изведбата на операта „Садко“ од Николај Римски Корсаков.
38-годишниот Јевгениј, кој од 2002 година работел во најпознатиот руски театар, наводно се нашол на погрешно место во моментот кога сценографијата се менувала на сцената и врз него паднал дел, под кој останал заробен со отворена повреда на главата.
Руските медиуми објавија видео од несреќата, во кое другите изведувачи во паника извикуваат шоуто да биде прекинато откако сфатиле што се случило. Потоа, завесата се спушта, а театарскиот персонал ја извел публиката, која била во шок.