Американката Алисон Флук-Екрен, која била командант на женски баталјон на терористичката организација Исламска држава, е осудена на 20 години затвор. Пред судот, против неа сведочеа нејзините деца.
Осудената призна дека водела баталјон во кој имало околу 100 жени и девојчиња, некои од нив не биле поголеми од 10 години. Ги обучувала жените и девојчињата како да користат автоматско оружје, да детонираат гранати и самоубиствени појаси.
Една од ќерките на Алисон сведочеше дека минала низ таква обука. Ќерката и синот на осомничената пред судот изјавиле дека таа заслужува максимална казна.
Сведочеа дека мајката физички и сексуално ги злоставувала, а малтретирањето детално го опишале во писма испратени до судот.
Алисон ги негирала овие обвинувања. Но, ќерката Лејла Екрен пред судот изјави дека „желбата за контрола и моќ“ ја натерала мајката да го одведе семејството на другиот крај од светот за да пронајде терористичка група во која таа би процветала и просперирала.