Швајцарија, дел од Германија и истокот на Франција беа погодени од силни бури со обилни дождови кои го парализираа сообраќајот.
Засега нема податоци за можни жртви во Германија, додека во Швајцарија се повредени пет лица.
Во Франција има поплавени домови и подруми, додека некои области се без струја. Француската метеоролошка служба издаде предупредување за невреме на целиот североисток на земјата.
И Швајцарија беше погодена од силна бура, силни ветрови и град.
Грмотевици и обилни дождови ги погодија јужните и западните делови на Германија предизвикувајќи низа инциденти поради кои пожарникарите интервенираа цела ноќ. Некои села се поплавени.
Во Штутгарт се поплавени неколку тунели на подземната железница што предизвика прекин во сообраќајот.
