Австралискиот премиер Ентони Албанизи изјави дека на 14 октомври ќе се одржи референдум за гласање за уставни измени со кои ќе се признаат домородните народи.
„На тој ден секој Австралиец ќе има генерациска можност да ја зближи нашата земја“, рече австралискиот премиер.
Целта на референдумот е да им се даде можност на Абориџините и на другите домородни народи да ја советуваат владата во рамките на парламентот за прашања кои ги засегаат нивните заедници, со што би се формирало автохтоно тело кое ќе ја советува владата за прашања што ги интересираат. Абориџините сочинуваат 3,8% од населението во Австралија.
Потребно е двојно мнозинство за да се овозможат уставни измени.
Поддржувачите на уставните измени тврдат дека тоа ќе помогне да се поправат оштетените врски со абориџинската заедница и да се обедини нацијата, како и да се дозволи советодавното тело да се справи со подобрувањата во здравјето на домородците, образованието, вработувањето и домувањето.
Противниците тврдат дека тоа ќе му даде прекумерна моќ на советодавното тело, што ќе доведе до поголеми поделби.
