Демократскиот претседателски кандидат Џозеф Бајден смета дека треба да се откаже изборната дебата со Доналд Трамп ако тој сè е уште заразен со коронавирусот.
„Ако сè уште има корона, не би требало да водиме дебата“, изјави Бајден пред новинарите, пренесе Reuters.
Тој вели дека не знае каква е сегашната ситуација на Трамп, но дека дебатата на 15 октомври би требало да се одржи во склад со строгите здравствени протоколи.
„Се радувам што ќе можам да водам дебата со него, но се надевам дека протоколите ќе бидат почитувани“, изјави Бајден.
Трамп излезе од болница и се појави на балконот на Белата куќа без маска, но новинарите успеаја да забележат дека тој дефинитивно има проблеми со дишењето.
