Американската администрација и официјално потврди дека во Украина ќе биде испорачан модерниот противвоздушен систем MIM-104 Patriot, со што ќе се исполни долгомесечната желба на украинските власти.
Станува збор за систем за воена помош вредна 1,85 милијарди долари. Украина со месеци се наоѓа под оган и напади на руски дронови, ракети и балистички проектили насочени да ги уништат клучните енергетски инфраструктури.
Поради овие напади цивилното населените страда бидејќи нема струја и вода во текот на острата украинска зима. Едно од главните барања на Украина беше токму испорака на противвоздушен систем за соборување што поголем број руски проектили.
На заедничка прес-конференција Џо Бајден и Володимир Зеленски порачаа дека испораката не треба да доведе до ескалација на конфликтот.
„Тоа е одбранбен систем на оружје, не е ескалирачки. Служи за одбрана“, изјави Бајден и додаде дека воопшто не разговарал со Зеленски дали овој потег ќе доведе до ескалација.