Министерот за економија, Крешник Бектеши, денеска на својот Facebook профил информира дека цените на безалкохолните и алкохолните пијалаци ќе се намалат 10% во наредниот период.
„Намалување на цените на безалкохолните и алкохолните пијалаци! Денеска добив неколку писма од нашите домашни производители на минерална вода, сокови, пиво, кои ме известија дека доброволно се вклучуваат во кампањата ‘Гарантирана цена’ со намалување на цените од минимум 10%!“, пишува Бектеши.
„Благодариме на поддршката“, напиша министерот Бектеши на својот Facebook профил.
Бектеши додаде дека за ова ќе следува одлука на владата.