Компанијата БМБ логистик делува во областа на транспорт на автомобили од сите дестинации во Европа, истовремено работејки по најсовремени Европски стандарди. Исто така, дополнително нуди и услуги на царинење на автомобили во соработка со Синко шедиција.
Во разговорот со г-динот Борче Попоски - основач и генерален менаџер на БМБ Логистик Скопје, разговаравме за почетоците на компанијата, достигнувањата и специфичните услуги кои ги нуди компанијата за физичките и правните лица.
„Љубовта кон автомобилите и камионите започнува во 1997 година, кога се вработив како менаџер за логистика во Даеву Мотор Скопје и го организирав транспортот на нашите автомобили во Скопје. Ова беше моето прво искуство со логистиката. По 6 години во оваа компанија, ја основав БМБ Логистик Скопје, која на почетокот се занимаваше со организација и посредништво при транспорт, но без сопствени возила. Компанијата го купи првото возило во далечната 2005 година, а денес нашата флота располага со 7 камиони со кои вршиме транспорт од и до земјите во Европа”, раскажува Попоски за неговите почетоци во оваа дејност.
„Од самото основање, БМБ логистик е компанија која за многу кратко време достигна зголемен обем на работа и суштински раст, со акцент на навремено и професионално извршување на услугите кои ги нуди.
Компанијата со досегашнотото работење има постигнато одлични резултати во дејноста, има 12 вработени кои со тимска работа се стремат кон крајно професионално извршување на услугите кои ги нуди компанијата, со што главна цел е да стане препознатлив бренд во повеќе држави во областа на превоз на автомобили и што повеќе задоволни клиенти кои ќе ја шират пораката”.
„Пред една година отворивме и наш склад во Ново Место, Словенија, со капацитет од 60 возила, кој е збирен центар за автомобилите кои ги превезуваме од западноевропските земји. Сакаме максимално да го олесниме процесот на транспорт на возила, со што во тек е подготовка на систематизиран пристап, со кој преку нашиот веб сајт www.bmblogistic.com.mk ќе можете веднаш да нарачате достава на возило од посакуваната дестинација низ Европа. Компанијата ќе продолжи да се расте и развива и да им нуди на клиентите најдобри решенија за транспорт на возила”, вели Борче Попоски - основач и генерален менаџер на БМБ Логистик Скопје.
