Кандидатот од социјалистичката партија на Ево Моралес е победникот на претседателските избори во Боливија.
Моралес лани беше принуден да поднесе оставка и да избега во Мексико поради немирите лани, но неговата партија повторно ја доби власта во оваа јужноамериканска земја.
„Сестри и браќа: волјата на народот се покажа. Донесе убедлива победа на МАС-ИПСП. Нашето политичко движење ќе има мнозинство и во двата дома. Се вративме во милиони, сега ќе му ја вратиме гордоста и слободата на народот“, напиша Моралес на Twitter.
Нов претседател на Боливија ќе биде Луис Арсе, а неговиот сопартиец Давид Чокеуанка ќе биде и негов заменик.
„Сѐ уште ги немаме официјалните резултати, но според информациите кои ги имам г-дин Арсе и г-дин Чокеуанка победија на изборите“, објави Џанине Ањес, вршител на должноста претседател на Боливија.
Боливискиот народ ги обвинува САД за мешање во внатрешните работи на земјата во обид да ја тргне од власт социјалстичката партија на Моралес. Единаесет месеци како власт делуваше воена хунта инсталирана токму од САД, но боливискиот народ на овие избори со 52,4 проценти повторно довербата ѝ ја довери на партијата на Ево Моралес.
„Многу сум благодарен за поддршката и довербата од боливискиот народ. Ќе ја оправиме демократијата и ќе ги вратиме социјалната стабилност и мир. Обединети, со достоинство и сувереност“, твитна новиот претседател.