Попладнево на коронавирус беа тестирани 10 пациенти, од нив 5 се позитивни на вирусот.
Позитивна е сопругата на веќе дијагностицираниот пациент од Скопје и 4 здравствени работници – двајца доктори и две медицински сестри од Дебар. Со ова, бројката на заболени со коронавирус во земјата се искачи на 31, напиша министерот Венко Филипче на неговиот Facebook профил.
Исто така, докторот Арбен Аголи напиша дека амбулантата во Дебар ќе биде под карантин
- Бидејќи персоналот испадна позитивен од утре амбулантата е под карантин 2 недели.