Роверот Curiosity на американската вселенска агенција НАСА направи снимки од облаци на Марсовото небо.
Снимките го прикажуваат движењето на облаците на небото на Марс, а се направени со навигациската камера на роверот Curiosity. Сенките на облаците може да се видат како го минуваа теренот и над самиот ровер.
Овие снимки не само што се неверојатни, туку им помагаат на научниците да пресметаат некои важни податоци, од тоа колку брзо се движат облаците, до висината на која се наоѓаат.
Научниците заклучија дека облаците се многу високи, речиси 80 километри над површината. Тим од научници потоа успеа да го дознае нивниот состав.
Поради екстремниот студ на споменатата надморска височина, облаците веројатно се состојат од леден јаглерод диоксид, за разлика од облаците на Земјата кои се наоѓаат пониско и кои се составени од вода и мраз.
Марсовите облаци не се изразени, тие изгледаат многу слаби во атмосферата, па научниците на НАСА мораа да користат специјални техники за снимање за да ги забележат. Овие техники вклучуваат правење неколку снимки за да се добие статична позадина. Кога потоа ја отстранија статичната заднина, можеа да видат објекти кои се движат на сликата, што всушност се облаци.
Curiosity веќе го потврди присуството на глина на Црвената планета и најде праисториски исушени оази. Роверот беше лансиран уште во ноември 2011 година и сè уште одлично си ја врши работата.
