Француското дуо Дафт Панк објави дека по скоро 30 години ќе ја прекинат меѓусебната соработка.
Творците на некои од најголемите поп хитови разделбата ја најавија со видео наречено „Epilogue“, објавено на нивниот YouTube канал.
Веста за распадот ја потврди и нивната соработничка Кетрин Фејзиер, но не ја откри причината.
Дафт Панк дуото го сочинуваа Томас Бангалтер и Ги-Мануел де Омем-Кристо. Нивниот прв албум „Homework“ во 1997 година постигна комерцијален успех, а на него беа и хитовите како „Around the World“ и „Da Funk“.
Во 2001 година по албумот „Discovery“ за прв пат се појавија во костими на роботи, кои станаа нивни заштитен знак. Песните „One More Time“ и „Harder, Better, Faster“ им донесоа светска популарност, а тој статус го задржаа и по објавувањето на третиот албум „Human After All“.
„Get Lucky“, главниот сингл од албумот „Random Access Memory“ од 2013 година е продаден во милиони примероци низ светот и освои 5 Греми награди, меѓу кои и наградата за албум на годината.
Во јавноста секогаш се појавуваа со сокриени лица и ретко говореа за приватниот живот, ставајќи ја секогаш музиката на прво место.
