Бред Пит глумел во многу познати и наградувани филмови, но призна дека не уживал во некои од нив.
Американскиот актер не секогаш се согласувал со начинот на кој се снимаат одредени проекти, како и со фактот дека речиси секогаш некој филм се снима во ноќните часови.
Магазинот Far Out известува дека Пит не сакал да снима три негови многу популарни филмови. На таа листа се и филмовите Интервју со вампирот, Семето на злото и Троја. Пит ги откри и причините зошто не сакал да ги снима.
На Бред Пит најмногу му пречело тоа што хорор филмот Interview With the Vampire од 1994 година се снимал во темница.
„Мразев да го снимам овој филм. Го мразев. Сакав да го гледам, но мразев да го снимам. Го снимавме филмот три месеци во Њу Орлеанс, во тотален мрак, снимавме цела ноќ. Има почетна сцена во филмот која е снимен на дневна светлина, но тоа е тоа целиот филм е во темнина“, коментира актерот, пренесува Far Out Magazine.
Оскаровецот нема добро искуство со снимањето на филмот The Devil's Own, во кој глумеше со Харисон Форд. Тој еднаш го опиша снимањето на филмот како „најнеодговорното што некогаш го видел“.
Како причина зошто не му се допаднало да го снима овој филм, ја наведе проблематичната продукција и немањето сценарио кое тие би можеле да го следат.
„Имавме сценарио, но беше отфрлено поради различни причини. Моравме да измислиме нешто во лет. Не можев да верувам. Не знам зошто некој сакаше да продолжи со снимањето на тој филм. Немавме ништо. Филмот беше целосна жртва на шефовите на студиото“, рече Пит, пренесува Far Out Magazine.
Додаваат дека актерот сакал да го напушти проектот, но му се заканиле со тужба, па го доснимил филмот.
Епскиот историски филм Troy на режисерот Волфганг Петерсен е исто така на листата на филмови кои Бред Пит не сакал да ги сними. Како што пренесува Far Out, актерот не бил задоволен од приказната што се обидувале да ја раскажат во филмот.
„Морав да го направам Troy затоа што се повлеков од друг филм и морав да направам нешто за студиото. Сфатив дека начинот на кој беше раскажан филмот не е како што сакав да биде. Troy стана комерцијална работа, немаше никаква мистерија во филмот. По Troy, донесов одлука да го вложам своето време само во подобри приказни“, изјави Пит, пренесува Far Out Magazine.
