По завршувањето на светската турнеја, Мадона се соочи со тужба поради доцнењето и експлицитната содржина на концертот без претходно предупредување.
Како што пишуваат странските медиуми, фанот Џастен Липелес, кој присуствувал на нејзиниот настап во Инглвуд, Калифорнија во март во рамките на „The Celebration Tour“, ја тужел пејачката бидејќи концертот бил премногу сексуален.
Во тужбата тој тврди дека публиката била принудена да гледа топлес танчери кои симулираат сексуални чинови. Снимките кои кружат на социјалните мрежи ги прикажуваат танчерите на Мадона како на неа и на Рики Мартин им танцуваат во скут.
Thank you @Madonna my love! Always fun to be invited to the party! 🎉
— Ricky Martin (@ricky_martin) April 8, 2024
You all, CAN’T MISS THIS SHOW! pic.twitter.com/bVdoV18Qen
„Присилувањето на обожавателите да чекаат со часови на жешки, неудобни места и изложувањето на порнографија без предупредување го демонстрира бесмисленото непочитување на Мадона кон сопствените обожаватели“, се вели во тужбата.
Понатаму, Липелес наводно тврди дека не била само претерано сексуализираната изведба што довела до неговата тужба. Тој тврди дека пејачката ја исклучила климата во салата поради што станало загушливо и наводно во еден момент му се слошило, а истакнува и дека пејачката ѝ предложила на публиката да се соблече.
Доколку неговите тврдења се покажат точни, ова нема да биде првпат климата да се исклучи на концерт на Мадона. Во април медиумите пишуваа дека истата ситуација постоела и за време на настапот во Мајами. Дополнително, Липелес изјавил дека Мадона доцнела бидејќи наместо во 20 часот и 30 минути, настапот започнал во 22 часот.
Медиумите побараа коментар до нејзините претставници, но сè уште не добиле одговор.
