Американскиот музичар Лени Кравиц неодамна за медиумите откри дека е во целибат девет години.
Имено, пред објавувањето на новиот албум, рок ѕвездата во интервју за The Guardian откри детали за приватниот живот. Тој објасни дека воздржувањето од секс надвор од бракот не е само избор на начин на живот, туку духовна работа.
„Станав многу цврст во моите ставови, во начинот на кој живеам“, изјави Кравиц.
Лени Кравиц важи за еден од најголемите заводници во светот на шоубизот, а покрај тоа што беше во брак со актерката Лиза Бонет, многумина паметат дека беше свршен и со Адријана Лима и со Никол Кидман. Не е во сериозна врска веќе девет години.
Тој признава дека неговата одлука да биде во целибат потекнува од желбата за сериозна врска. Тој откри како неверството на неговиот татко Сај Кравиц влијаело на неговиот поглед на врските.
„После бракот станав повеќе како него. Станав ‘женкар’. Не ми се допадна. Не сакав да бидам тој тип. Затоа морав да се позанимавам со тоа и траеше со години“, објасни тој.
Според странските медиуми, гласините за неговиот целибат се појавиле уште во 2005 година и наводно траел до 2008 година. Но, музичарот тоа го негираше и рече дека за целибатот почнал да размислува дури во 2008 година.
„Каде што сум јас во животот, жените треба да имаат нешто друго, не само тело, туку ум и дух“, рече тој.
Оваа посветеност на личниот развој и дисциплина му овозможи на Кравиц да се фокусира на себе, создавајќи граници и одржувајќи го својот живот. Во врска со ова, започнува неговото ново поглавје, бидејќи наскоро ќе издаде нов албум наречен „Blue Electric Light“.
