Белгиецот Лоис Опенда на четири минути до крајот на вчерашниот натпревар против Словачка (0:1) му асистираше на Ромелу Лукаку кој ја смести топката во мрежата, но судијата се повика на ВАР бидејќи процени дека Опенда првично ја смирил топката со рака.
Откако судијата Умут Мелер ја погледна снимката, го поништи голот на Белгија, а со ВАР за првпат видовме технологија која многу наликува на отчитување од ЕКГ.
Топките на ЕУРО се опремени со микрочип за сензор за движење кој може детално да го следи секој допир, а податоците се печатат во форма на линија, а во моментот кога раката на Опенда ја допре топката, линијата престана да биде рамна. Погледнете ја ситуацијата овде.
Новата технологија всушност се нарекува Snickometer, кој е систем кој се користи во крикет за да се утврди дали топката удрила во палката.
The first goal in football history disallowed by a 'snickometer' 😱
— Mail Sport (@MailSport) June 17, 2024
Read more 👉 https://t.co/uufAMT4Eto pic.twitter.com/CP8l96FtTn
На ЕУРО, за прв пат досега, на медиумите кои ги пренесуваат натпреварите им беше испратена графиката за откривање на допир што ја користеа судиите на турнирите за да донесат клучни одлуки.
Технологијата може да понуди поголема јасност околу офсајд позициите и допирањата на топката со рака што ги досудуваат судиите.
За потсетување, ВАР ќе биде достапен за гледачите секогаш кога ќе се користи за оспорени одлуки за време на кој било натпревар од Европското првенство.